खाँदबारी–किमाथाङ्का सडक सुक्खा पहिरोले अवरुद्ध

खाँदबारी सङ्खुवासभा १२ फागुन । कोशी राजमार्गअन्तर्गत सङ्खुवासभाको खाँदबारी–किमाथाङ्का सडक सुक्खा पहिरोका कारण अवरुद्ध भएको छ ।

आज बिहान भोटखोलाको हटिया र हुङगुङ्गबीचको धिग डाँडाखण्डमा पहिरो झरेको भोटखोला गाउँपालिकाका अध्यक्ष वाङ्गछेदर भोटेले जानकारी दिए।

उनका अनुसार ढुङ्गा खसेपछि उक्त सडक अवरुद्ध भएको हो ।

सदरमुकाम खाँदबारीबाट एक सय नौ किलोमिटरको दूरीमा रहेको सो स्थानमा पहिरो खसेको हो ।

पहिरो खसेपछि भोटखोला खाँदबारी आउने तथा खाँदबारीबाट गएका सवारीसाधन पनि बाटोमै थन्किएका छन् । पहिरोले करिब ३० मिटर सडक पुरिएको छ ।

थप समाचारहरु

भोजपुरका विद्यार्थीको रोजाइमा प्राविधिक शिक्षा भोजपुरको खोक्सिक र बाउराङमा विद्युत् सेवा विस्तार नेपाल-भारत सीमा स्तम्भको मर्मत सुरु होली सुरक्षाका लागि कोशीमा ११७ ठाउँमा चेकिङ, ७ सय प्रहरी परिचालन हुने जङ्गलमा लागेको डढेलो बस्तीमा फैलिँदा पाँच घर जले भोजपुरका अग्निपीडित परिवारलाई नगद हस्तान्तरण