Deprecated: File class-oembed.php is deprecated since version 5.3.0! Use wp-includes/class-wp-oembed.php instead. in /www/wwwroot/indreninews.com/wp-includes/functions.php on line 6114
बाँकेका ६९ ‘फर्म’कारबाहीमा १० लाख जरिवाना असुल - Rato Kagaj Online - Nepal's Breaking News in Nepali

बाँकेका ६९ ‘फर्म’कारबाहीमा १० लाख जरिवाना असुल

रासस
14 hours अघि

नेपालगन्ज, ५ चैत । वाणिज्य, आपूर्ति तथा उपभोक्ता संरक्षण कार्यालयले चालू आर्थिक वर्षको आठ महिनामा ६९ वटा व्यावसायिक फर्मलाई कारबाही गरेर रु १० लाख ५० हजार जरिवाना गरेको छ ।

सो अवधिमा उक्त कार्यालयका प्रमुख हरिबहादुर खत्रीले इजाजत नलिएको, म्याद गुज्रेका वस्तुको बेचविखन गरेको, मूल्यसूची नराखेकोलगायत कसुरमा ती फर्मलाई कारबाही गरिएको जानकारी दिए ।

कार्यालयबाट आयात र निर्यातका लागि इजाजत दिने, बजार अनुगमन गर्ने र विद्यालय उपभोक्ता शिक्षा कार्यक्रम सञ्चालन भइरहेको छ ।

लुम्बिनी प्रदेशका बाँके, बर्दिया, दाङ, प्यूठान, रोल्पा र पूर्वी रुकुम र कर्णाली प्रदेशका सबै जिल्ला गरी १६ जिल्ला कार्यक्षेत्र रहेको कार्यालयले उपभोक्ताको स्वास्थ्यमाथि गम्भीर असर गर्नेगरी उपभोक्ताको अधिकार हनन गर्नेलाई कारवाहीको दायरामा ल्याउन नियामक निकायलाई सुझाव दिएको छ ।

उक्त कार्यालयले आर्थिक वर्ष ०७८।०७९ मा ४३, आव ०७९।०८० मा ३५ र आव ०८०।०८१ मा १४० फर्मलाई कारबाही गरेर रु ३२ लाख ९५ हजार जरिवाना असुल गरेको थियो ।

फेसबुकबाट तपाईको प्रतिक्रिया