संविधान विपरीतका घटनामा सांसदद्वारा सरकारको ध्यानाकर्षण

काठमाडौँ, ७ चैत । सांसद रामहरि खतिवडाले संविधान विपरीत गरिएका घटनामा सरकारको ध्यानाकर्षण गराएका छन् ।

प्रतिनिधिसभाको आजको बैठकमा उनले गत फागुन ६ गते पूर्वराजा ज्ञानेन्द्र शाहले जारी गरेको वक्तव्यमा शाही निशाना प्रयोग गरी श्री ५ महाराजाधिराज भनी उल्लेख गरिएकामा उनले आपत्ति जनाउँदै कारबाहीको माग गरे ।

सांसद गोकुलप्रसाद बास्कोटाले काभे्रको बेथानचोक गाउँपालिका–३ र ५ स्थित महाभारत क्षेत्रमा तीन दिनदेखि आगलागी भइरहेकामा नियन्त्रणको माग गरे । माध्यमिक शिक्षा परीक्षा एसइई चलिरहेका बेला बिहान कोरीबाटी गरेर हिँडेका विद्यार्थी धुलाम्ये हुने र गाडी लड्ने समस्या भएकाले पानी हालेर समस्या समाधान गर्न माग उनले गरे ।

सांसद रमा कोइराला पौडेलले यस वर्षको एसइई आजदेखि सुरु भई पाँच लाख १४ हजार विद्यार्थी सहभागी भएको उल्लेख गर्दै शिक्षक महासङ्घका माग पूरा गर्न माग गरे । नयाँ शिक्षा विधेयक छिटो ल्याउन पनि उनले सरकारको ध्यानाकर्षण गराए । शिक्षकलाई आन्दोलनमा नभई कक्षामा पठाउनुपर्ने सांसद पौडेलको भनाइ थियो ।

सांसद प्रभु साहले गौर हत्याकाण्डका दोषीमाथि कारबाही गर्न माग गर्दै प्रधानमन्त्रीसँग प्रश्नोत्तर कार्यक्रम औचित्यपूर्ण बनाउनुपर्नेमा जोड दिए । अन्यथा कार्यसूचीबाट प्रश्नोत्तर कार्यक्रम हटाइनुपर्ने र नहटाए आफूले संसद् बैठक बहिष्कार गर्ने चेतावनी दिए । यसअघि प्रधानमन्त्रीले आफूले सोधेको प्रश्नको जवाफ नदिएको सांसद साहको आरोप थियो ।

सांसद ठाकुर गैह्रेले विद्युत् आपूर्तिका विषयमा ऊर्जामन्त्रीले भ्रमयुक्त विषय बोलिरहेको भन्दै त्यस्तो नगर्न आग्रह गरे ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह