समय अनुसार नीति परिवर्तन जरुरी

काठमाडौं । राष्ट्रिय योजना आयोगका उपाध्यक्ष प्राडा शिवराज अधिकारीले नीतिहरु समयअनुकुल परिवर्तन गर्नुपर्ने बताएका छन् ।

मंगलबार काठमाडौंमा आयोजित ‘अटोमोबाइल क्षेत्रका लागि दीर्घकालीन नीतिहरू’ विषयक छलफल कार्यक्रममा उनले विश्व कुन दिशातिर जादैँछ त्यही हिसाबले जानुपर्ने बताए । उनले अबको समय इभीको भएको हुँदा नीति निर्माणसहित अगाडि बढ्नुपर्ने बताए ।

उनले भने, ‘अहिले नीजि सवारी साधनहरु धेरै छन् । त्यसैले यो क्षेत्रमा विकास भएको रहेछ भन्ने देखिन्छ । यसमा इभी कति छन् भन्ने कुराले विकासको चरण देखाउँछ । विश्व कुन दिशातिर जादैँछ भन्ने हिसाबले हामीपनि अगाडि बढ्ने हो । अब जाने भनेको इभीतिरै हो । तर कसरी जाने, कतिको छिटो जाने के गर्ने भन्ने कुरा नीतिले नै निर्माण गर्ने हो । नीतिले सकरात्मक र नकारात्मक दुवै असर गर्छ । आज बनाएको नीति पाँचछ वर्ष पनि काम नलाग्ने हुन्छ । किनभने समयअनुसार प्रविधिहरु परिवर्तन हुन्छन् । त्यसकारण दिगो रुपमा सोचेर नीति बनाउनुपर्छ ।’

यस्तै, उनले बजेट भन्दा अगाडि यस्ता विषयको छलफलले काम गर्न सजिलो हुने भन्दै अहिलेको समय अनुसार नीतिहरु पुरानो भएको बताए ।

यस्तै, मेकानिकल इन्जिनियरिङ विभाग, काठमाडौं विश्वविद्यालयका प्राडा बिम प्रसाद श्रेष्ठले इभीको कुरामा युरोप र अमेरिका धेरै अगाडि बढिसकेको भन्दै पूर्वाधार विकास गर्दा आगामी १० वर्षसम्म पनि चल्न सक्ने खालको बनाउनुपर्ने बताए ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह