महिला भलिबलमा नेपाल हङकङसँग पनि पराजित
एसियाली खेलकुद :
१९ असोज, हान्झाउ । १९औं एसियाड अन्तर्गत महिला भलिबलमा नेपाल हङकङसँग पराजित भएको छ ।
नवौं देखि १२औं स्थानसम्मको लागि भएको क्लासिफिकेसन म्याचमा नेपाल हङकङसँग ३-० ले पराजित भएको हो ।
हान्झाउ नर्मल युनिभर्सिटी जिम्नयासियममा भएको खेलमा हङकङले नेपाललाई २५-२२, २५-१६, २५-१८ ले पराजित भए ।
पहिलो पटक एसियाड खेलिरहेको नेपालको यो चौथो हार हो । समूह चरणमा भियतनाम र दक्षिण कोरियासँग पराजित भएको नेपाल त्यसपछि क्लासिफिकेसन म्याचमा भारतसँग प्रतिस्पर्धात्मक खेलमा पराजित भएको थियो ।
अब नेपालले ११औं स्थानको लागि मंगोलियासँग शनिबार खेल्नेछ । मंगोलिया शुक्रबार भारतसँग ३-० को सेटमा पराजित भएको थियो ।
प्रतिक्रिया दिनुहोस्