२४४ वर्ष पुरानो मठा फल्चा पुनःनिर्माणको लागि शिलान्यास

काठमाडौं । २४४ वर्ष पुरानो मठा फल्चा पुनःनिर्माणको लागि शिलान्यास गरिएको छ । काठमाडौं महानगरपालिका वडा – ८ ग्वल क्षेत्रमा रहेको ऐतिहासिक फल्चाको पुनः निर्माणका लागि काठमाडौँ महानगरपालिका सम्पदा तथा पर्यटन समिति संयोजक एवं कामपा वडा – ८ का वडाअध्यक्ष आशामान संगतले शिलान्यास गरेका हुन् ।

शिलान्यास पछि बोल्दै उनले, २४४ वर्ष पुरानो प्रचलित नाम मठा फल्चाको पुनःनिर्माणको लागि आज शिलान्यास गरिएको बताए । उनले, १९९० सालको भुकम्पबाट क्षतिग्रस्त स्थानको स्थानीयहरूले संरक्षण गर्दै आईरहेको र जीर्ण अवस्थामा रहेकाले पुनःनिर्माणका लागि अनुचित समयानुकूल शिलान्यास गरिएको बताए ।

‘मठा फल्चाको पुरान नाम नरहेको र ऐतिहासिक फल्चा जीर्ण अवस्थामा रहेकाले कामपा – ८ ले विधिवत् रूपमा अगाडि बढाउन लागेको र यसको शिलापत्रमात्र भेटिएको छ । यसलाई अब काठमाडौँ महानगरपालिका वडा ८ ले एक तल्लाको परम्परागत शैलीमा पुनः निर्माण गर्न लागेको हो ।’

करिब २० लाख हाराहारी बजेटमा पुनः निर्माण हुन लागेको फल्चामा चुनासुर्कि, काठ, दाचिँ ईट्टा र माओपाको प्रयोग हुने वडाअध्यक्ष संगतले बताए । उनले, यो फल्चा अगाडि एउटा मठ रहेको र त्यहाँ विभिन्न पुजाहरू हुने र बाटोमा रहेको ढुंगा जसलाई भैरवका रूपमा पुजा गर्ने परम्परा रहेको र फल्चामा आगन्तुकहरूले विश्राम गर्ने स्थल रहेको बताए ।

कामपा – ८ मा विभिन्न फल्चा, इनार कुवाँ डवली लगायतका ऐतिहासिक समपदाहरूको पुनःनिर्माण हुदैछ । कार्यक्रममा स्थानीय सहित वडासदस्यहरूको उपस्थिति रहेको थियो ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह