आगलागी अपडेट :  रेष्टुरेन्टको मात्रै करिब १२ लाख क्षति

काठमाडौं । काठमाडौंको स्वयम्भूस्थित एक रेष्टुरेन्टमा आगलागी हुँदा मानव क्षति नभएको स्वयम्भु प्रहरी वृत्तका सहायक हवलदार बिष्णु थापाले बताएका छन् ।

शनिवार विहान २ बजे दार्जिलिङ मःम रेष्टुरेन्टमा आगोलागी हँुदा घरहरु र पसलहरु पूर्ण नष्ट भएपनि मानवीय क्षति नभएको सहायक हवलदार थापाले बताएका हुन् ।

‘लगभग दुई बजेतिर आगोलागी भएको खबर आयो । अफिस नजिकै भएको भएर धँुवा पनि देखियो र तत्काल दमकललाई खबर गर्यौं । दमकल पनि तुरुन्तै ८ वटा दमकल, ४÷५ वटा पानी ट्याङकरमार्फत आगो नियन्त्रणमा आयो । भौतिक क्षति भएपनि मानवीय क्षति भएन । घरहरु र पसलहरु पूर्ण नष्ट छन् । आगलागीमा नजिकै रहेका पसलहरुमा क्षति पुगेको छ । बच्चा र बच्चाको आमालाई प्रहरीले तत्काल उद्दार गर्न सफल भयो,’उनले भने ।

उक्त घटनाको कारण तत्काल भन्न नसकिने भन्दै थप अनुसन्धान भइरहेको पनि थापाले बताए ।

रेष्टुरेन्टमा आगोलागी हुँदा रेष्टुरेन्टको मात्र १० देखि १२ लाख क्षति भएको रेष्टुरेन्टकी सञ्चालक बन्सिका राईले जानकारी दिएकी छन् ।

थप समाचारहरु

आर्थिक विकास र पूर्वधार परियोजनामा लगानी सुनिश्चित गर्न वैकल्पिक विकास वित्त : अर्थमन्त्री भूकम्पमा परेर अपाङ् भएकाहरुलाई प्रोत्साहित गर्न बास्केटबल दुग्ध विकास संस्थानमा गम्भीर अनियमितता : कर्मचारी संगठनद्वारा सार्वजनिक आरोप र कारबाहीको माग काठमाडौं र ललितपुरका यी स्थानमा आज दुईदेखि आठ ‍घन्टासम्म विद्युत अवरूद्ध हुने स्वयम्भुस्थित एक रेष्टुरेन्ट आगलागि आज नेकपा एमाले संसदीय दलको बैठक बस्दै